قصيدة انا اخوان لهشام الجخ روووووووووووووعة

انا اخوان وكل المسلمين ……… اخوان
فـ متصنفش اسلامي على كيفك حقيقتي اقوي من زيفك وصابعي لوحده بكفوفك ولا اتهزش قصاد خوفك ياخوف ياجبان انا اخوان
بطيع الله فى ملكوته وبدعي يزيدنى من فضله ومن قوته واصلى واصوم واجاهد نفسي واصبر ع البلا واحمد وحمدي يدوم لانه الرازق الوهاب وهو مسبب الاسباب فـ ليه الفضل والمنه وليه الطاعه فـ متبصش لديني نظرة طماعه انا ديني لا هو سلعه ولا بضاعه ولا ليك سوق
لا انا بايع ولا شاري ايماني هو راس مالي فاصحا وفوق منيش اخوان على نهجك فـ لٍم من الدروب همجك كفايه شكوك مش انت لوحدك الاخوان انا اخوان بحق الله وبالسنه وبالقران وقت الجد انا عثمان ووقت الحرب انا حمزه ووقت الفصل ببقا فاروق انا اخوان على الرحمه وعلى التقوى وحب الناس لكن عمرى ما هـ اتأخون بأخونتك على الصندوق
عنيكم فيها كل النور ومش شايفه غباوة انك تهدد ناس مهيش خايفه بتهدد فى مين ياحزين دا انا الاها الى طلقونى وجيعه وسارحه فى الشارع ومش ممكن هتخفونى هتسمعنى وغصب عن عنيك الجوز على دماغك هترفعنى انا الناس الى عاشت تحت خط الفقر وانا الناس الى ماتت متلقتش القبر فسيبك م البيجاملك وبيهيص وركز واصحى فى كلمتى كويس انا الثورة الى عملت منك ريس
انا الى يدوب من سنتين كنا بنتحبس صحبه ، كنا بنتجلد صحبه ، وكنا فى الميدان صحبه ،بتبعد ليه وتكتب ع الطريق غربه بتمشى فى الطريق الصعب وحدك ليه مهملنى فـ لو صعبه عليك الشيله حملنى تلاقيني بعارضك اه لكنى وراك بجدف فى الاسفينه معاك اكون ودنك اكون عينك اكون قوه فى دراعينك نبني بلدنا لهوانا مش لهواك وخيرنا يبقا حوانا مش جواك مش انتى تاخدلى بالقرارات وانا امسح بايدي ……………….. قرارك
متتلككش بالناس اللى بيعارضوك متتشتتش متتسوحش بلدنا عايزة ريس وحش يسمع نبضه بودانه ميتكبرش يكون جبار على الظالمين رحيم بينا ينام بينا ويقوم بينا يمشي يعس فى الشارع على الجعانين ويفهم ان فى الشارع شباب ثايرين ملحقوش يبقوا كارهينك فمتزودش نار الكره فى قلوبهم شباب شايف فلوس بلده مش بتخش فى جيبوهم متخدعناش بـ بوقين من بتوع حسنى يامولانا ورمنا كلام وصدى من الغنا قفانا
متدبحليش حمامه يتيمه على عينها وتقنعنى انه ديك رومي متلعبش انت فى الميه وتمسح ايدك المبلوله فى هدومي ومش كل اما توعد وعد تطلع بق متشدش فرامل اليد وتطلب منى انزل ازق
ولما الناس تقوم ثايرة ومختلفه منخطبليش فى اتباعك ولما تكون مع وزيرة متلعبليش في ……….
ولما تكون مع وزيرة متلعبليش في ………. دراعك ( تشوف الساعه )
ولا تسمعني ولا اهلى ولا عشيرتي وخيرنا يبقا لبدنا قبل ماابص على جيرتي بلدنا حوض من البركه بعمر النيل بلد دفاينه بالقران وبالانجيل
انا اخوان

التصنيف : شعر وروايات