مع إن كل الخلق من أصل طين
وكلهم بينزلوا مغمضين
بعد الدقايق والشهور والسنين
تلاقى ناس أشرار وناس طيبين
عجبى !!
عجبى عليك .. عجبى عليك يا زمن
يا بو البدع يا مبكى عين دماً
إزاى أنا أختار لروحى طريق
وأنا اللى داخل فى الحياة مرغماً
عجبى !!
سنوات وفايته عليا فوج بعد فوج
واحدة خدتنى إبن والتانية زوج
والتالتة أب خدتنى والرابعة إيه
إيه يعمل اللى بيحدفه موج لموج ؟
عجبى !!
ضريح رخام فيه السعيد اندفن
وحفره فيها شريد من غير كفن
مريت عليهم .. قلت يا للعجب
لاتنين ريحتهم فيها نفس العفن
عجبى !!
0 التعليقات:
إرسال تعليق